Rumah Panjai kami digaga kena ba tahun 1989 pecah ari Rumah Mujang, Brayang Ulu enggau Rumah Rayang, Brayang Illi. Kami serumah nadai tentu maioh tubuh kira ke bisi 80 iko aja, lalu ngidup kediri bumai betaun baka orang bukai. Bekebun lada, betanam ke sawit serta kerja getah. Lalu nadai tentu tak maioh ke kerja ba perintah lalu siko dua ga ke kerja enggau kompeni luar.
Lalu aku arap ke kita enti bisi mansa kira ke seminit udah kita mansa SRK Brayang mansang ke Sarikei lalu malik ke kanan, kita bisi meda rumah batu ba atas bukit (enti suba sebedau bukit tu kena potong Sri Datai ba tahun 2002 simpang tu bela enggau jalairaya) nya meh simpang rumah kami lalu kita tau ngetu lalu nemuai ngagai aku, madah kediri ka nemuai ngagai Apai Rosa tauka John Adam Ak Gilbert Anyai lalu tanya ke bilik aku ti ba tengah rumah panjai kami nya. Arap ke kita bisi meh nemuai ngagai aku ambi ke kitai nyamai bekelala taja pan aku kerja di Miri.
Amat asai ke diau ba' kaki 5 kedai cina rumah style diatu unggal...
ReplyDeleteRuamh panjai kitai Iban diatu nyau majak mansang manah nunda pendiau orang ke ba nengri. Tang semina kitai Iban enda ulih ngaga jalai ari jalai raya nyentuk ka kaki tanga ba rumah panjai laban enti nadai bantu perintah, lalu baka nya mega ba kitai Iban ti beguna ka ai ti beresi nunda bala menyadi kitai ti bansa Cina tauka Melayu. Perintah lubah bendar ulih mutar ka penanggol tu taja pan sida semampai madah kadiri ngaga pemansang. Lalu maioh bendar rumah panjai kitai Iban diatu bedau ulih dibekal perintah ngena kuasa karan 24 jam baka pendiau orang ba pasar taja pan Bakun udah tembu nyentuk ke sehari tu.
ReplyDelete