Genting Highland tu enti nitih ke cherita iya nya siti endor orang raun ngelantang ke ati ba atas bukit ti sepeninggi 5,000 kaki sama peninggi enggau Pejabat Taman Negara Kinabalu di Kundasang lalu iya mega tebilang laban siti ari alai endor orang bejudi ke di kemendar ke perintah menua kitai secara belesen.
Aku berati ke gaya menua dia iya nya maioh bukit ti udah di rata ke orang alai sida ngaga pemansang endor niri ke rumah ti manah serta tinggi beringkat ringkat. Pasal penyelap menua nya enti dibanding ke enggau Taman Negara Kinabalu tau dikumbai kira ke ka setengah aja lalu tau di sebaka ke enggau penyelap menua di Bario.
Pasal casino ti alai orang bejudi dia, sigi amat maioh bansa macham main judi ke di petaruh ke orang dia, tang aku enda olih ngambi gambar dia laban ti enda di kemendar ke orang. Entaruh ke pengabis mit ke siti chips iya nya RM25.00 lalu chara orang ke magi daun peda aku iya nya semua ngena machine. Lalu orang ke gawa dia semina magi chips muka daun enggau engkah daun ba mua orang ke enggau bejudi. Atur dia chukup terit lalu nadai tentu jalai kitai ulih ngakal pangan diri baka chara judi kitai ke biasa ditu.
Alai bejalai chukup manah tang semua bebayar ngena bayar ke mar tang enda nesal laban kitai sigi puas hati raun kitu baka ke ngagai Disney Land. Kami duai pulai ke Kuala Lumpur nepan bas lalu tambang ka RM6.00 siko lalu bas nya sangkai ngagai Perhentian Monorail Titiwangsa. Agi ka kin baru ko Indairosa laban ke agi belala.
http://johnadamgilbert.blogspot.com
No comments:
Post a Comment