PENEMUAI KAMI NGAGAI TAIPING, PERAK

Kena 28.05.2008 enggau 29.05.2008 kami menyanak bisi nemuai ngagai menua Taiping perak. Kami bisi ngagai Muzium Taiping ti be antara ke jalai alun enggau Penjara Pusat Taiping. Gaya utai ke di pandang ke orang ba Muzium dia nadai tentu tak meruan baka ba Muzium Kuching, laban ti maioh agi utai ke baru di simpan sida dia. Kami mega bisi ngagai Zoo Taiping lalu rindu bendar sepi aku laban maioh macam jelu ke bisi di tupi dia. Lalu enti di banding ke enggau Zoo Negara jauh manah utai di peda dia.
Kami mega lalu bisi bejalai kira ke setengah jam ari Taiping ngagai Kuala Kangsar, lalu bisi meda Astana Kuning, Astana Sultan Azlan Shah, enggau alai ti bukai. Tang utai ke di peda dia kami enda tentu olih bejalai manah laban hari ti ujan lalu mega laban nya ke hari lima Astana Kuning pan nadai di buka. Kami semina lama agi meda expo ba pasar Kuala Kangsar udah nya baru mulai kediri ngagai rumah ipar aku Martin Gadoh ba Kem Kemunting Taiping.