TANAH RUNTUH DI MIRI

Kena 30.01.2009 pukul satu lemai dia menua Miri begau baru ti lalu nyadi ke pun berita ba TV3, TV1, T2, semua stesen Radio enggau suratkhabar udah bekau Tanah Runtuh ba Kampung Lereng Bukit ti naban ke enam buah rumah di lamun tanah runtuh serta tiga buah serimbai enggau nya nadai olih di kembuan agi, tang seninjik semua orang dia udah sempat ngelari ka diri,

Nitih ka tusoi sida ti diau mendam dia, tanah ba bukit nya udah di temu merekah tiga hari sebedau nya lalu sida endang udah di gerah asoh orang pindah ngagai alai ti likun. Kira pukul sembilan pagi dia sida bisi ngasai ke tanah berenyut ba bukit nya ti ngepun ke sida bekemas lalu ngerari kediri. Lalu kira ke pukul dua belas tanah nya berasai mupok berlinsur berubah ti ngepun ke sida kira ke nyau ka sampal udah ninggal ke kampung nya. Lalu pukul dua belas lima puluh minit tengah hari nya dia tanah nya chukup deras merurut ari tuchong bukit nya lalu ngelamun rumah dia, lalu munyi meletup ti naka iya pengingar di dinga semua orang ke beserimbai pendiau dia. Nya meh gaya utai ke nyadi ba Kampung Lereng bukit, Miri leboh utai tu nyadi tadi.