PENEMUAI AKU NGAGAI BUKIT BENDERA

Kena 29.05.2008 kami menyanak bisi nemuai ngagai Bukit Bendera, Penang ke lalu di kumbai orang putih kelia Penang Hill. Utai ke nyelai ditu iya nya kereta api ke bejalai niki Bukit Bendera tu ti di tarit ngena steel cable sampai ke tuchong kin. Sepemanjai rail kereta api nya kami meda maioh bendar rumah ti di gaga ba selepak batu lalu bisi nya tak semina nungking aja ngelekat kediri.

Lalu kami mega meda maioh bendar kera ba tisi rail nya, lalu leboh kami datai ba station kereta api ba puchak bukit nya dia maioh agi ga kera datai meda kami baka kitai ke diambat orang maia ngabang. Maia nya balat bendar besebun laban kabus udah bekau hari ti baru badu hujan. Kami lalu bejalai dia meda Kuil Hindu ti putih, meda rumah ti di gaga orang putih kelia serta lalu bejalai ba jambatan gantung ti pengabis iya panjai ti begantung ba puchuk kayu alai kami meda bansa jelu ke bisi ayan dia. Kami mulai kediri ke Penang nyau malam hari ga laban ti agi rindu bemain dia lalu kereta opis perintah pan maioh ga datai kia sehari nya tang kami enda nemu ari ni jalai sida iya niki kia.