February 8, 2009

PENEMUAI AKU KE HYDRO ELECTRIC BAKUN

Kena 08.12.2008 aku bisi nemuai ngagai site project Hydro Electric Bakun, iya nya siti ari palan hydro ke pengabis iya besai ba menua kitai tu. Ba tu kitai olih meda tekat ai nya ti digaga nyengkar ai Batang Baloi lalu rarat ngagai Belaga. Lalu bisi ba diversion ti bisi arus tiga iti ti bisi ba chat kuning nya iya nya alai ti ngerarat ke ai diatu ti tembu ditekat ba tahun 2002 suba. Nitih ke tusoi kaban aku ti gawa ba Sime Darby Holding iya nya main contractor ba project tu sida ila ka ngemenuh ke tekat ai tu sepengelama setahun setengah lalu peninggi ai nya kira ke lima kaki ari tebing tekat ke peda kitai ba gambar ke diayan ke aku tu. Lalu ke ayan baka chalet nya iya nya quarters alai bala orang ti gawa dia diau lalu bisi siti dewan badminton ti besai serta bisi mega swimming pool dia.














































S

11 comments:

  1. Apairosa,
    Ngetu enda lama ba ruai nuan. Manah amai gambar ti bisi dipantai nuan ba dia. Bisi gambar bukai ba hidroelectric bakun?
    enti bisi ari, tau ngusung ngagai ruai aku kin. http://dipenemuruai.blogspot.com

    Best Regard;
    The Founder of Penemuruai

    ReplyDelete
  2. apo, enda temu agi gmbr aku d bakun sari nya. ulih aku gmbik gmbr nuan mimit tepu bak blog aku. TQ By:Orang bakun

    ReplyDelete
  3. pemansang menoa kitai di perintah nguntung ka menoa sarawak lalu ngemansang ka menoa pesisir, mayioh mai dah berubah menoa bakun dalam gambar nuan, maya aku agi kerja ba Samling Plantation Belaga Phase 4 suah gak bejalai ka menoa bakun tang apin mansang baka nyak

    ReplyDelete
  4. Penemuruai: agi maioh gambar bukai bedau sempat di upload aku semua iya nyau ka 30 iti diambi aku hari nya. Lalu gambar nya semua ba site ke benong digaga orang diatu.

    Sebandile Blog : Nadai salah laban semua kitai tau bekunsi ke semua berita enggau utai ti diayan ke aku ditu ambi ke bisi dipeda orang maioh.

    tajau singa raja : Amat munyi ko nuan aku pan tekenyit meda site diatu laban pengabis iya aku ke bakun iya nya tahun 2002 maia sida ti ngetu ngaga project dia udah sida Ekran Holding (Ting Pek Khing) ti ngaga diversion kena ngelimpang ke ai baka ke peda kitai ba gambar ti diayan ke aku ditu.

    ReplyDelete
  5. Hello, aku tu siko ari orang OKU pengelihatan tang aku rindu bekunsi ka penemu ti bansa tu.

    ReplyDelete
  6. hi..mansa dulu. Rindu aku mansa ruai d ke siti nya wai..

    ReplyDelete
  7. Nya meh laban jangka aku pedis kitai maioh ka meda site project Bakun tu laban tempat nya sigi ukai alai raun serta chukup dijaga tang aku meri besai terima kasih ngagai Gabriel Ricky Menot iya nya siko ari menyadi kitai bansa Bidayuh ti gawa enggau Sime Darby Holding ti nyadi pangan aku ti mai aku meda semua alai sita nya lalu ngambi gambar dia secara ngerampas.

    ReplyDelete
  8. Terima kasih ke mau*Bintang Ati seduai Barnabas Aling laban ti olih ngelimpang kediri meda blog aku tu lalu arap ke seduai mujor ba semua pengawa. Lalu arap ke kita rindu mega penemuai aku ngagai menua buaki ke dudi hari ila.

    ReplyDelete
  9. amai mayuh endur nuan nemuai neh...salute aku ngau nuan.nang mayuh utai ti ulih nemuai ngagai menua orang.rindu aku meda gambar kitak sebilik melancong.aku pun belalak meda gambar di ambik nuan ba bakun nya.

    ReplyDelete
  10. amai mayuh udah endur nuan nemuai.mayuh udah utai ka dikulih nuan.aku pun rindu meda gambar kitak sebilik melancong sama-sama.aku arap ulih meda mayuh agi gambar ba bakun nya.facinated aku meda gambar bakun diak.

    ReplyDelete
  11. Terima kasih ke comment nuan nya lalu arap ke kitai sama tau saum penemu ke utai ti mar serta pedis ka di temu orang maioh.

    ReplyDelete