PENEMUAI KE BATU CAVE, SELANGOR

Aku , Indai Rosa, Crispian, Indai Aku enggau Debbe Min bisi nemuai ngagai siti tempat alai orang ke beragama Hindu bersembahyang di Selangor ke dikumbai Batu Caves. Batu Caves tu ianya gua batu kapur ke udah nyadi lalu diubah bala India ke beragama Hindu nyadi ke alai sida bersembahyang. Lalu kitai jarang nemu gua ke baka nya ba menua kitai di Sarawak ditu. Kami niki ngagai gua besai Batu Caves ti ba atas bukit, lalu kitai olih datai kia alai kitai mesti ka niki 272 iti gigi tangga baru datai ba mua gua nya. Ari atas mua gua nya kitai olih meda semua rampa menua Selangor enggau Kuala Lumpur. Masuk gua tu nadai bebayar tang kitai ke enda teleba niki tangga mesti ka enggau ati ti kering serta keras baru olih ngenatai ke diri kia.

Kelimpah ari gua nya bisi dua iti gua ke bukai alai sida iya muak ke kiba gua besai nya tadi, alai kitai olih meda bermacam bansa ular, iguana, kala, burong, kera, tekura enggau lelabi ti agi idup di simpan sida dia. Maioh macam patung ke digaga sida dia baka kitai mensia enggau bermacam macam jelu ke bukai. Bayar masuk kitu iya nya RM7.00 siko. Ba luar gua nya bisi siti patung ke pengabis besai dalam Asia ke nyadi pemandang gua Batu Caves tu. Pengerami Thaipusam di intu ba Batu Caves tu setiap taun kena satu haribulan dua setiap taun. Alai kitai tau meda bala sida ti beragama Hindu tu bersembahyang bebala maioh lalu ngachok tubuh diri enggau maioh utai tajam, nyayat diri, enggau maioh pengawa bukai ke nyelai dikerja sida maia nya ke tanda sida iya enda nemu pemedis udah sida ke chukup pengarap nitih ke ajar agama Hindu.