PENEMUAI KE MALAKA

Aku enggau kami menyanak bisi nemuai ke Malaka iya nya siti nengri di Malaya ti maioh bendar cherita lama pasal menua nya ti nyadai menua ti ketrubah iya alai bansa China ti datai bedagang ngagai menua Malaya. Malaka mega maioh cherita ti besangkut paut enggau penatai bansa Portugis enggau Bansa Melayu ti datai ari Indonesia nitih ke kenang cherita tuai bansa Melayu. Lalu menua Malaka tu maioh alai utai lama, ukai semina rumah lama tang anang kita tekenyit leboh meda ba dalam kedai maioh macam utai ti baka ke enda diguna baka kerimpak botol, gari penyayat, kerimpak chapak enggau maioh utai bukai. Semua utai tu dijual enggau rega ti mar laban iya ukai utai ke jai sengapa tang utai tu iya nya utai lama ti olih orang nyelam ari bangkai kapal ti belayar ari menua China enggau Portugis ti udah berumur beribu taun.