Sehari aku udah register aku pan lalu log in dia serta tekenyit amat ati meda topic ti digaga AKITUAI ke ngelalu ke penatai aku ba portal nya, lalu ditangkan ke SARAWAKLADY tauka dikumbai kami ba RDK indaikanu enggau KERANJAIMANOK ke selalu dikumbai kami ANJAI tang diatu iya nyau ngena nama EDWARD CULLEN.
Berengkah ari nya aku lalu selalu enggau sida berandau serta betundi dia setiap hari serta bulih maioh bendar kaban. Aku pan lalu berunding ngaga siti topic ke dikumbai aku KEMAIA BALA RADIOKITAI.COM OLIH BETEMU BEBALA MAIOH. Berengkah ari nya baru bala dia bisi tegerak ati ka betemu mua enggau pangan diri laban maioh sida ke berandau dia setiap hari endang enda ngelala pangan diri secara nyata.
Orang ke terubah iya betemu enggau aku ba Radiokitai.com iya nya PELANGI MALAM seduai TEMENGGONG di MING CAFE, Miri. Udah nya aku bisi ke Kuching lalu sempat betemu enggau JAY, BUJANGCIMANGGANG @ TAJU REMAUNG, TINI 79, DARA NGANTAQ, INDAIBULAN @ MADU, ENDU SELATU, INIGALANG, KERANJAIMANOK @ EDWARD CULLEN, ARONIA, JAMIROAQUAY @ MR.JM enggau ENDU BUNSU NGINGIT @ PANDA. Udah nya mega aku lalu bisi mega betemu enggau GABE di Bakun, DARA BATANG LUPAR di Sri Aman, MSSCYMEXX, MAXEL enggau TAJAU MALI di Bintulu, udah nya aku bisi betemu enggau SARAWAKLADY @ indaikanu di Sibu, udah nya aku lalu bisi betemu enggau EMPELIAU DUDUK, CIKPOOH, GERAMA ENGKABANG, KUCAI, REMAUNG RUNGGU, EWAN, KELING MENUA SARAWAK, enggau LADYQUEEN di Miri.
Lalu tiga iko kaban Radiokitai ke pengabis jauh menua udah enggau aku betemu iya nya KULIMAN ari KUALA BELAIT, SULUSARAWAK ari JITRA, KEDAH enggau AKITUAI di BUTTERWORTH, PENANG. Aku mega gaga bendar ati laban bisi bala ke sama enggau ba RDK tu endang udah ngelala aku rambau agi sekula menya iya nya baka RAJA BUSTAMAN, CASSA, TOMMY JAYA, DAYANG LAING enggau INIGALANG.
Semua bala ke udah kala betemu serta bekelala enggau aku nya sigi manah maggang lalu aku meri besai terima kasih ngagai iya ke beempu portal Radikoitai.com tu iya nya VYNNE laban udah percaya ke aku lalu meri aku nyadi GLOBAL MODERATOR kena 04 th.December,2008 tang munyi ko aku madah ngagai iya suba aku tu orang ke maioh pengawa nya alai nadai tentu hari limpang ngabas ruai RDK taja pan maioh bala ba RDK selalu nanya meda aku jarang ayan baka ke mula mula iya suba. Lalu aku arap ke kaul semua kitai BANSA IBAN ba INTERNET tu betambah rapat agi lalu bekunsi ka penemu ti patut dipejurai ka ukai semina berandau ngapa kena ngabis ke hari lalu nadai tuju tang ambi ke bisi pemansang nitih ke singkang pemansang bansa bukai kemaia tu hari.
http://johnadamgilbert.blogspot.com
Hello Apai Rosa...
ReplyDeleteEngka nuan enda ngelala aku, tang daddy aku ngelala nuan deh. Apai Jenny @ Minggat ke gawa ba Education Office Ba Sarikei... Baru tetemu ke blog nuan tu, ke puas ber click ke utai sebelah internet.. Bisi aku meda gambar nuan enggau GABE ba bakun nya... Ipar aku nya :) Laki Jenny.
Au pia , ingat aku ke nuan tang laban kita ke anembiak nya alai aku enda tentu ngelala kita sekumbang kita ke udah besai diatu. Terima kasih ke comment nuan nya Keavy.
ReplyDelete